حماية جوالك الجالكسي في حالة : الفقدان او السرقة ، دوسري راقي 2013

السلام عليكم ورحمة الله وبركاته

بسم الله الرحمن الرحيم والصلاة والسلام على نبينا محمد

شرح من دوسري راقي

حياكم في برنامج البالرينقو في رومنا جالكسي سامسونج.
 .

انسرق جوالك جالكسي او فقدته : الحل هنا شرح بالصور: تحديد موقع
 جهازك :تحديد رقم السارق : مسح بيانات الجهاز : قفل الجهاز : وبدون برامج

الشرح جزئين : الاول بالجوال ، والثاني بالاب توب.

 

 .

26/مارس/2012
الاثنين 3/5/1433 هـ عند الساعة مساء
تم تحديث الموضوع في 1/1/1434هـ

بالصور:شرح خدمة samsungdive

________________________________________

الموضوع عبارة عن شرح لأحد المميزات الجبارة الموجودة في جهاز الجالكسي ولا يحتاج اضافة برامج ولا شي.

الشرح والصور من جالكسي اس 2

الخدمه :هي تتبع لجهازك في حالة فقدانه أو السرقه . طبعا بوضح لكم اكثر:

يعني جوالك انسرق رايح تعرف رقم الشريحة الي ركبها السارق في جوالك وكذلك رايح تعرف موقعه بالضبط . وكذلك تقدر بضغطة زر تمسح كل البيانات الي فيه من صور وافلام وكل شي يعني تسوي له فورمات ، وكذلك تقدر تقفله برقم سري بدون مسح بياناته .كذلك لو فقدت جوالك ماتدري هو في البيت في السيارة تحت سرير النوم!!تحت الدرج !! في سيارة صديقك ،تقدر تتصل عليه ويرن . .

كل ماذكر اعلاه مجاني ومن خلال موقع شركة سامسونج بالانترنت.. انصح الجميع بالتطبيق لأهمية ذلك .

لكن لازم تكون خدمة الانترنت شغالة بجوالك(البيانات) .وهذ عن تجربة شخصية.

راح احاول اوضح لكم كل شيء واعذروني إذا قصرت في شيء ..

نبدأ بسم الله بأول خطوة

الخطوة الأولى :

إنشاء حساب سامسونج عن طريق جهاز الجوال

الضبط ==>الحسابات والمزامنة ==> إضافة حساب ==> حساب  Samsung

تنزل أسفل القائمة راح تلاقي حساب سامسونج

.

الخطوة الثانية :

وهي تفعيل الخدمة عن طريق

الضبط ==> الموقع والأمان ==> بحث عن هاتفي المحمول

.

تحت عنوان بحث عن هاتفي المحمول راح نلاقي 3 خيارات .. لابد ان نفعلها كما هو موضح في الصورة

.

(1) نضغط على تنبيه تغيير بطاقة SIM ... راح يطلب مننا حساب سامسونج اللي سويناه في الخطوة الأولى .. ندخل الايميل والباسورد زي ماهو موضح فالصورة

.

بعد كذا راح يتفعل وتجي علامة صح بالاخضر

(2) نضغط على تنبيه مستلمي الرسالة(هذي الخطوة مهمه جدا جدا )

راح يطلب مننا حساب سامسونج والباسورد.

الفائدة من هذي الخدمة هي .انه في حال ان الجوال انسرق لا سمح الله .. والسارق قفل الجوال وغير الشريحة . تجيك رساله برقم الشريحه اللي وضعها السارق في جوالك على ارقام انت تخصصها. للي مافهم راح يفهم بالصور

.

( أ ) نضغط على علامة الـ ( + ) لإضافة الأرقام اللي راح تجيني عليها الرسالة عند وضع شريحة جديدة في جوالي المسروق << مثل ما وضحت فوق

( ب ) كتابة عبارة أو اي شيء تريده على سبيل المثال انا كتبت  رقم السارق

لمن تجيني الرسالة عند تغيير الشريحة راح تتضمن رقم السارق + العبارة اللي كتبتها في خطوة رقم ( ب )

( ج ) اضغط على تم للحفظ .

((من وجهة نظري اشوف الخطوة رقم ( 2 ) مهمة للغاية اللي هي تجيني رسالة برقم السارق في حال تغيير الشريحه وادخال شريحة جديدة))

بعد الحفظ راح تتفعل الخطوة رقم ( 2 )

( 3 ) نضغط على أدوات التحكم عن بعد لتفعيلها بإدخال حساب سامسونج + الباسورد

بعد الانتهاء من الثلاث خطوات رايح تتفعل الخيارات الثلاثة كما هو موضح فالصورة التالية:

انتهينا من الخطوة الثانية وهي تفعيل الخدمة أو الميزة من الجوال ..

...................

الخطوة الثالثة : التحكم عن طريق الكمبيوتر

ندخل على هذا الرابط ونسجل الدخول في الموقع بواسطة حساب سامسونج اللي استخدمناه في الخطوة الأولى في إعدادات الجوال .

http://www.samsungdive.com/

لباقي الأجهزة (( غير مجربه ))

http://v2.samsungdive.com/help/guideRemoteControls.do

.

بعد ما تفتح الصفحة نطبق زي الصور

...

.

بعد تسجيل الدخول راح تفتح معانا هذي الصورة

انا رقمتها وشرحت عليها شرح مختصر .والشرح بالتفصيل اسفل

( 1 ) وهذي اهم خطوة ومن غيرها ما راح تستفيد شيء ..

نضغط على خطوة رقم ( 1 ) راح تفتح لنا نافذة ندخل رقم الجوال

فيه من يقول انه حاول تحديد موقع الجهاز وطلعت له صورة بالون مكتوب عليها جالكسي و no phone number والسبب والله اعلم انه ما طبق الخطوة رقم ( 1 )

( 2 ) قفل الجول بحيث لا يتمكن السارق من استخدامه او الاستفاده منه ولا يستطيح اخذ الملفات ..

( 3 ) تستطيع من خلالها انشاء اتصال على الجوال ..

مثلا لو فقدت الجوال في البيت او فالسياره تستطيع الاتصال به عن طريق هذي الخطوة وراح تسمع رنة الجوال

..

( 4 ) تعمل فورورد للرسائل والاتصالات على رقم جوال ثاني .

مثلا ضاع جوالي ولا ادري وينه اسوي هذي الخطوة وأحول الاتصالات والرسايل على رقم ثاني

وحسب ما فهمت انه اذا اتغيرت الشريحه تتعطل هذي الميزة (( مو متأكد لإني ما جربتها ))

( 5 ) هذي الخطوة ما جربتها ولكن اتوقع انها تطلع لك السجل للمكالمات لمدة اسبوع .. اللي عنده اي معلومة يفيدنا

( 6 ) مسح البيانات .. مثل اعادة ضبط المصنع .. يعني تفقد جميع الملفات .

( 7 ) تقدر تفتح قفل الشاشه عن بعد .. يعني إذا مقفل بباسورد تقدر تفتحه 

عن طريق هذا الخيار

( 8 ) تحديد مكان الجوال .. بعض الأحيان ياخذ وقت لتحديد الموقع وأحيان ما يحدد اذا اتصالك بطيئ . بس أنا جربته وحدد موقع الجوال ..

صورة لتحديد مكان الجوال

...

( 9 ) لتحديد مسار الجوال لمدة 12 ساعه مضت 

.

اخواني الكرام اتمنى منكم كرما وليس امرا بأن تشاركونني في التصويت

 الموجود بأعلى الصفحة ، هل شرحي واضح؟.

....

للمزيد من الاستفسارات بامكانكم التواصل معنا عبر قنوات الاتصال التالية :

1. رومي في البرلينقو : جالكسي سامسونج .

2. الجوال : 0544055539

3.
ولاتنسون شعاري دائمـا : اعتبر اني ا خلك لم تلده امك بل ولدته الانترنت .

واتمنى للجميع التوفيق والسعادة دائما وابدا.
للامانـة الموضوع وجدته بالنت، عدلت عليه بعض الاشياء،وازلت بعض الاشياء .نسال الله العلي العظيم انه يجزى صاحب الموضوع الاساسي خير الجزاء